有時好奇大家買螺絲產品既用途

螺絲真係千萬種，同一材質都已經有好多款，同款唔同材質又有唔同用途或者特性。

不過總有啲款係比較受歡迎，有時未接觸到客人，不過都大概了解到一啲原因。

螺絲來講，十字頭一定有佢既份額，因為方便，好多人都會有十字螺絲批，而且同一枝批已經起碼可以擰到好幾種尺寸既十字螺絲。

方便以外，原來美觀都重要，發現好一部分人揀內六角杯頭螺絲係覺得佢睇落靚啲，有玩單車既、整模型車既、或者只係係屋企自己砌層架既，當然每款螺絲都有佢既好處同效用，但問左幾個客人佢地點解揀杯頭唔揀半圓頭，佢地答我：「因為靚啲。」🤣哈哈咁呢啲都可以係個人喜好，落手整得野既，都最緊要係岩用同埋自己睇落鍾意❤️

另外有款絲帽又係有唔少人以百為單位咁買，應該佢都幾有魅力先可以咁吸引😋 就係尼龍絲帽(或者叫保險絲帽，俗稱保母)。

其實尼龍絲帽都可以稱得上普通六角絲帽既加強版，因為佢既有普通絲帽既功用，仲可以令絲帽無咁易鬆脫，特別係用係會震既物件上，又或者絲帽唔可以扭緊但又要固定既情況，所以大家買佢都有多無小咁入手。

唔知你地揀螺絲或者其他配件又會係咩原因呢？可以同我地分享下🤤 得到你既分享可能老細高興就會送返張Coupon比你😏