其實咩野係不銹鋼？(學術討論) 📚

賣不銹鋼既製品，都唔可以話唔知咩係不銹鋼🤣 最起碼都要知道有咩分別、由咩主要元素製成，咁先對得住自己同埋班客人🤓

事實上，不銹鋼只係佢個名，並非唔會生銹，係無咁容易生銹，而佢主要含量都係鐵，再加上幾種元素製造出來👉🏻鉻鎳錳鉬，不銹鋼含有不同比例元素會分為不同系列，比較常見有200系列、300系列、400系列。

當中鉻(Cr)係最重要既角色，因為佢可以係金屬表面形成一層氧化鉻，就好似保護膜咁做到防銹，一般就算受到外界刮傷，佢都可以自行重新形成氧化層，能夠保護內部不被繼續侵蝕。
以201、304、316及430不銹鋼為例，含約18%鉻。

而鎳(Ni)呢種元素，加入後可以對抗酸鹼侵蝕，201、430不銹鋼的鎳含量比304及316不銹鋼低，因此304、316不銹鋼的抗腐蝕性較強。

錳(Mn)元素係一種可以好好分辨到200系列不銹鋼既元素，因為300系列及400系列不銹鋼既錳含量不多於2%(300系統含約2%，400系列含約1%)，因此一啲檢測液可以好簡單就驗到錳含量既多少，從而得知屬於邊一種不銹鋼。

304同埋316不銹鋼既螺絲都係比較廣泛使用而有良好抗腐蝕性，而佢地主要既分別係316不銹鋼加入左鉬(Mo)元素，可以幫助形成一種更強既抗腐蝕結構。

而如果用係螺絲同配件方面，從來無一種材質係話可以走天涯，因為要決定用邊一種材質既螺絲都會視乎用既地方同埋成本，比較廣泛使用既304不銹鋼材質係因為性價比較高，成本較低又有相對好既穩定性及抗腐蝕性。

今篇就簡單講住先，有興趣既朋友下期再探討~😛